South Cotabato- Patay ang usa ka lalaki human kining gipusil sa wala mailhing suspek didto sa Purok Tagumpay, Barangay GPS, Koronadal City alas 4:00 ang takna sa hapon, kagahapong adlawa July 31, 2018.
Giila ang biktima nga si Ruel Quienoviva, residente sa Barangay Manili, Lutayan Sultan Kudarat.
Sa inisyal nga imbistigasyon sa Koronadal City PNP nasuta nga sakay ang biktima sa iyang motorsiklo dihang gipusil kini sa duha ka suspetsadong nakamotorsiklo.
Paspas nga misibat ang mga suspek human sa insidenti samtang ang biktima gilayon nga gidala sa ospital apan gideklara kining dead on arrival.
Sa karon nagpadayon ang gihimong imbistigasyon sa kapulisan kalabutan sa insidenti.
Facebook Comments
