General Santos City—patay ang duha ka mga biktima nga silang si Jessie Mondarez Asuki, alias Jeck-Jeck, 22 anyos, Laborer, nga taga Block 8, Barangay Fatima ug Bengbeng Lauron, alias Jawar, lagal age, residenti sa Purok Lote, Barangay Calumpang, Gensan human gipamusil sulod sa panimalay sa usa sa mga biktima 11:00 an g takna sa buntag kagahapong adlawa.
Subay sa tala sa Police Station 7 nasuta nga nag inum ang duha ka mga biktima sulod sa balay Asuki dihang kalit lang nga misulodang duha ka mga lalaki dayon sila gipamusil pila ka higayon.
On the spot patay si Lauron samtang nadala pa sa ospital si Asuki apan gideklara kining dead on arrival.
Sumala sa pahayag sa mga testigo nga yano rang mibaktas ang duha ka mga suspek human sa pagpamusil. Narekober gikan sa crime scene ang (4) ka empty shell sa Cal. 45 nga pistola.
Migula usab sa inisyal nga imbistigasyon sa kapulisan nga si Alias Jawar ang kanhi nang nalambigit sa pipila ka mga rumble nga natigayon sa area of Responsibility sa Police Station 5 ug 7. Sa karon nagpadayon ang gihimong imbistigasyon kalabutan sa maong kaso.
