General Santos City–Nakabsan gyud sa iyang kinabuhi sulod sa pribado nga balay tambalanan ang usa ka Elmer Manaay, 47, kanhing preso, residenti sa sitio Royeca, Barangay Bula, Gensan human gipusil sa wala mailhing suspect sulod mismo sa iyahang panimalay, alas 8:00 ang takna sa gabie niadtong Sabado.
Sumala pa ni Police Senior Inspection Reynaldo De Armas, ang hepe sa Police Station 6 nga basi sa ilahang gihimong imbistigasyon misulod sa panimalay ang usa ka suspect nga nakasul-ob ug jacket ug adunay tabon ang nawong diin gipusil gilayon ang biktima sa maka daghang higayon.
Paspas nga mikagiw palayo ang suspect ug ang lain pang duha niini ka mga kakaubanan nga nag silbing lookout , gawas sa panimalay sa biktima.
Dali usab nga gidala sa ospital ang biktima apan nakabsan gihapon sa iyang kinabuhi.
dugang pa ni psi de armas nga dili kini ang unang higayun nga gi suwayan ug patay ang nasnagpit nga biktima sa wala mailhing suspect tungod tuig 2014 una nang napusilan patay ang iyahang asawa sa pag tuo nga siya ang nasangpit.
Nasayran nga dili kini ang unang higayon nga gisuwayan ug patay ang nasangpit nga biktima. (Dave Silagan)
