South Cotabato – Wala gyud nakalingkawas sa baba sa kamatayon ang usa ka lalaki human kini gipusil sa iyang kainum sa may Purok Quirino, Barangay Talahik, Surallah South Cotabato alas 8:30 sa gabie sa nakalabayng adlaw.
Giila ang biktima nga si Ely Angkon, 48, residente sa Sitio Upper Talahik, Surallah.
Subay sa gihimong imbestigasyon sa Surallah Municipal Police Station nasuta nga nakig-inum ang biktima ngadto sa suspek nga si Joseph Maulas Sotomil, 38, residente sa Purok Quirino uban ang uban pa nilang kaila sa lugar.
Human nangahubog, didto na namugna ang komplekto tali sa biktima ug sa suspetsado nga misangko sa pagpamusil.Nakaangkon ang biktima ug samad sa iyang ulo ug sa dughan nga hinungdan sa iyang kamatayon.
Paspas sab nga misibat ang suspek sa wala sayring lugar. Sa karon nagpadayon ang gihimong imbistigasyon sa kapulisan kalabutan sa insidenti.
