General Santos City—Nagpadayon pa ang gihimong imbistigasyon sa Maitum PNP kalabutan sa pagpamusil patay sa usa ka negusyanteng si Tamlon Ali, 34 anyos, residenti sa barangay Nalus, Kiamba, Sarangani province alas 11:49 ang takna sa nakalabayng adlaw.
Nasayran nga igo rang nipatubil nag biktima sa usa ka gasolinahan sa may purok Bogo, Barangay Malalag-Maitum, Sarangani Province dihang kini giduolan sa suspek dayon gipusil pila ka higayon gamit ang kalibre 45 nga pistol.
Paspas nga misibat ang suspek sakay sa motorsiklong naghuwat kaniya, samtang ang biktima, gidala pa sa ospital apan nakabsan gihapon kini sa iyang kinabuhi.
Sa karon blangko pa ang Maitum PNP sa motibo sa pagpatay sa biktimang negusyante.
Facebook Comments
