Shortage del aroz ta experiencia el provincia de Basilan

7

Ta espalca ya el supply del aroz na entero provincia del Basilan, este el cosa ya confirma si Nonito Manuel, del Department of Trade and Industry (DTI) durante el Provincial Peace and Order Council meeting.

Asegun con Manuel, nohay tambien aroz el que ta entra para na provincia del Basilan donde del pasao semana tiene ya entra 7 mil saco lang y bien falta este siendo ta man consume 380 saco cada dia el entero provincia.

Mientras el National Food Authority (NFA) tiene ya lang asegun ta resta 500 saco del aroz y entendido lang este con el maga ip’s del isla de Malamawi .

Por causa con este,ta alcansa ya na 65 peso el precio del cada kilo del aroz na mencionao provincia, y el antes 850 peso cada un saco del 25 kilos aroz, ta alcansa ya na 1,350 ya este ahora.

Semehante tambien el situacion aqui na ciudad de Zamboanga, donde ta reclama ya el publico con el alto precio del aroz, pero el maga negociante, semehante rason tambien el ta dale que donde asegun nohay mas supply del aros el ta entra na ciudad.

Facebook Comments