Padayon ang imbestigasyon sa Bureau of Fire Protection- Quezon City kalabot sa pagkasunog sa panimalay sa singer nga si Freddie Aguilar alas 11: 06 kagabii.
Nagsugod matud pa ang sunog sa music room sa nasampit nga panimalay sa singer sa may North Fairview Quezon City.
Sa pamahayag sa anak sa singer nga si Jeriko, nga una niyang namatikdan nga nagkalayo na ang atop sa ilahang music room.
Tungod niini, nanawag na kini og tabang gikan sa mga silingan, og miikyas ang mga nahisgutan pinaagi sa pag-agi sa atop sa ilahang panimalay ngadto sa atop sa ilahang mga silingan.
Padayon ang ginahimong imbestigasyon og posibleng tungod sa mga wiring nagsugod ang sunog.
Photo by: Mr. Luisito Santos, @luisitosantos03
Facebook Comments
