Nagsinggit karon og hustisya ang komedyanteng si Super Tekla, ( Romeo Librada, real name) alang sa kaso sa iyahang igsoon human nga kini namatay sa may nasud Kuwait.
Pinaagi sa video niining na-upload sa facebook, nanawagan kini sa embahada sa nasud Pilipinas sa Middle East nga sutaon pag-ayo ang kaso ilabi ang kamatayon sa iyahang igsoong OFW nga si Marife Librada.
Dugang pa sa komedyante nga nakasinati og pagpangabuso ang igsoon niini sa iyahang ginatrabahuan og dili kini mutoo nga walay hinungdan ang iyahang kamatayon.
Kung kahibaloan mga Kasama, nga Disyembre 29, nakit-an ang bangkay ni Marife nga nagbitay na sulod sa iyahang lawak sa may Andalous Kuwait City.
Si Marife ang taga Renibon Pigcawayan North Cotabato.
Samtang mapasaligon man usab si Labor Secretary Silvestre Bello III nga matabangan og masuta ang kaso ni Librada.
(Photo from web)
