Davao City – Nagpahimangno ang kapulisan nga seguridadohong adunay lisensya o adunay igong dokumento ang gigunitang armas.
Kini human nga nadakapan niadtong Biyernes, Mayo 5, 2023 ang usa ka lalaki nga si alyas Pinokyo, 43 anyos, minyo, ug residente sa Brgy. Magatos, Asuncion, Davao del Norte tungod sa maong kalapasan.
Gipangunahan ang pagsilbi search warrant ni Police Captain Vizmart Ricohermoso, Office-in-Charge (OIC) sa Asuncion Municipal Police Station (MPS) uban ang lain pang law enforcement agencies.
Nakuha sa kwarto sa dinakpan ang .45 pistola, mga bala ug granada diin kini walay mga dokumento.
Kasong paglapas sa Republic Act 10591 kun “Comprehensive Firearms and Ammunition Regulation Act” ang atubangon sa dinakpan.
RadyoMaN Kirby Manzon
Facebook Comments
