Davao City – Natata ang ubos nga ngabil sa sidewalk vendor human kulataha sa iyang agalon nga naputong gumikan kay pirmi malugi sa baligya.
Perting tabasa sa ngabil ni Jeffrey Villalon, ulitawo, sidewalk vendor, taga Malita, Davao Occidental mao dali kini gitambalan sa Southern Philippines Medical Center kaganinang kadlawon.
Sumala ni Jeffrey nga nabanggaan sa sidecar ang iyang paninda nga siomao sa dalang Torres, 1:30 ganinang kadlawon.
Pag-uli niini gilayon iyang gipahibalo ang iyang amo nga si Harry Comaling apan misangko hinuon sa wala nila pagkasinabtanay.
Naputong na matud pa si Harry gumikan kay sige na lang kalugi ang ilang negosyo kung si Jeffrey ang magbantay.
Gikulata matud pa ni Harry ang biktima mao natata ang ngabil ani.
Pursigido muduso og kaso si Jeffrey batok sa iyang amo nga nagtingkagol na karon sa presinto dos.
RadyoMaN Joel Viray
