Gina-agda ni Marcial Jocson Jr., Interim Regional President sang Sincere Warriors of Rodrigo Duterte -Advocating Federalism and Support Movement ukon SWORD ang mga Ilonggo nga mag-upod sa rally para sa pagsulong sang Federalismo sa maabot nga Sabado, Oktubre 21, alas 2:00 sa hapon sa Freedom Grandstand.
Suno kay Jocson , ini na ang ikaduha nga “Sigaw ng Federalismo” kon sa diin , una ini ginhiwat sa Luzon sadtong Oktubre 7, 2017.
Ginpahayag ni Jocson nga ila ginduso nga diri sa Iloilo hiwaton ang nasambit nga rally agud mangin positibo ang panulukan sang Malacañang sa syudad.
” Ginhingyo gid naton ini kay Dr. Steve Esteban nga ang 2nd league sang Sigaw ng Federalismo pagahiwaton diri sa Region 6 particularly diri sa syudad sang Iloilo. Ang purpose ni Engr. Jocson, ma-transform ang imahen sang Iloilo sa mata sang Malacañang so its high time nga subong election is over presidente na si Digong, pabay-an ta na ang pulitika and we will support kon ano ang gusto sang Presidente to transform from Unitary to Federal Government gani let’s join hand in hand,” ang kabahin sang pahayag ni SWORD Interim Regional President Marcial Jocson Jr.
