Signal cut-off ok ni Tomas

93

Way supak si Cebu City Mayor Tomas Osmena sa lakang sa kapolisan nga putlon ang signal sa mga mobile phone atol sa Sinulog Grand Parade .

Nagtoo si Osmeña nga daku kini ug matabang sa paghatag ug igong seguridad atol sa tibook adlaw nga kalihukan nga saksihan sa minilyon ka mga tawo .

Awhag lang ni Osmeña ngadto sa mga otoridad nga adunay igong impormasyon ug sayong pahibawo alang sa pagputol sa signal sa mga cellphone aron makaandam ang publiko kung unsay ilang buhaton kung way laing paagi sa komunikasyon .

Dili na hinoon bag-o ang pagputol sa cellphone signal tungod kay nasuwayan na kini sa niaging pipila na ka Sinulog dinhi sa dakbayan sa Sugbu .

Naaprobahan na sa rehiyonal nga level sa National Telecommunications Commission kon NTC ang maong lakang , ug magpaabot na lang kini sa approval sa ilang commissioner .

Ang ilang ulohang buhatan maoy makigsabot ngadto sa mga telecommunication companies alang na sa pagpawong sa ilang signal atol sa Sinulog .

 

Facebook Comments