Sara: 2019 ‘Busy Year’ sa Davao

Davao City – Gilantaw karon ni Davao City Mayor Sara Duterte Carpio ang tuig 2019 isip ‘busy year’ sanglit ubay-ubay ka mga aktibidad ang nakahan-ay ilabi na sa unang semester pa lang karong tuiga.

Gumikan niini, gitambongan sa alkalde ang unang quarter sa Joint Flag Raising Ceremonies and Lecture Series sa Association of Regional Executives of the National Agencies (ARENA)-Region 11 nahinayon sa Peoples Park aron pangayuon ang tabang ingon man mapaniguro nga buhaton sa mga nasyunal nga ahensiya ang ilang mga katungdanan.

“So that there will be less complaints sa City Hall and we can focus more on the things we need to do for the first six months,” segun niini.


Pipila sa mga naprepara sa lokal nga panggamhanan mao ang Davao Region Athletic Association (DAVRAA) Meet 2019, 82nd Araw ng Dabaw, Ironman, Palarong Pambansa ingon man ang mahinayong 2019 midterm elections.

Gani saysay ni Duterte nga mamahimong ‘busy’ ang dakbayan busa nanginahanglan kini sa tabang ug partisipasyon sa mga nasyunal nga ahensiya nga mobuhat sa ilang mga responsibilidad aron makatutok ang lokal nga panggamhanan sa ilang mga trabaho.

“If we see less complaints of their work then we can focus more on our work,” dugang sa mayor.

RadyoMaN Jason Amisola

Facebook Comments