Davao City – Gibarugan karon sa mga lumad nga walay permiso ang pasakay sa katorse ka mga minor de edad didto sa Talaingod, Davao del Norte.
Kini maoy gibutyag ni Mindanao Indigenous Peoples Council of Elders and Leaders (MIPCEL) Chairman Datu Joel Unad atol sa gipahigayong Kapehan sa Davao.
Subay niini giduso pinaagi sa signature campaign ang Resolution No. 20 Series of 2018 kun ang pagkundena sa kalapasan sa katungod sa Indigenous People (IPs) ug ang pagsulod sa CPP-NPA-NDF sa ilang luna dinhi sa Mindanao.
Kalakip sa maong resolusyon ang paghangyo sa lumad may kalabutan sa imbestigasyon sa nahitabong massive killings sa nagkadaiyang rehiyon dinhi sa Mindanao.
Dugang niini, gihangyo usab ang imbestigasyon sa pag pang-recruit sa kabatan-unan ingon man sa pagsuta sa Department of Education (DepEd) bahin sa kwestyonableng pagtulun-an sa mga estudyante sama sa ABAKADA diin ang letrang ‘A’ nagrepresenta sa Armas, ‘BA’ isip Bala ug uban pa.
Alayon niini gipadala na ang maong hangyo ngadto sa Commission on Human Rights (CHR), Department of Education (DepEd), Department of National Defense (DND), Armed Forces of the Philippines (AFP) ug ang Philippine National Police kun PNP.
Nanawagan usab ang maong grupo na magkahiusa ang tanan lakip ang media alang sa pagkab-ot sa hingpit na kalinaw sa isla sa Mindanao.
Virgil James Claud & John Ryan Dayana, HCDC Interns
