General Santos City—Sikop sa Awtoridad ang 19 ka mga mananagat nga iligal nga nanagat sa baybayon nga sakop sa Maasim, Sarangani Province niadtong nakalabayng adlaw.
Sa inisyal nga report sa Maasim PNP nasuta nga naaktuhan ang maong mga mananagat nga iligal nga gapanagat sa baybayon nga bahin sa Barangay Malbang, Maasim gamit ang “Likos”.
Sakay ang mga nasangpit sa usa ka bangkang panagatan nga gimaniubra sa usa ka Ian Nebris nga taga Maasim.
Human nadawat sa Maasim PNP, Municipal Agriculture sa lungsod ug sa Philippine Coastguard ang report gilayon silang naghimog aksyon aron nga dakpon ang mga nasangpit.
Sa karon ang mga dinakpan anaa na sa kustudiya sa Masim Police Station ug giandam na ang kasong ilang atubangon.
Facebook Comments
