Siguridad para sa Semana Santa, all set eon

17

Kalibo, Aklan – All set eon rong preparasyon it Kalibo PNP
para sa siguridad makarong selebrasyon it Semana Santa. Suno kay Police Lieutenant Colonel Richard Mepania, hepe it Kalibo PNP nga one month before pa eang hay sigidas eon ro andang preparasyon.
Sa makaron anda nga pagatutokan pinaagi sa pag deploy it mga kapulisan ro mga matawong lugar kamana kung simbahan, malls, terminals, Tigayon Hill, mga karsadahon ag iba pang lugar nga pagadagsaon it tawo.
Katuwang it atong mga kapulisan nga magabantay ro mga force multipliers, stakeholders ag mga individual.
Nagpaandam man si Mepania sa mga magapanaw nga magdahan nga mabiktima it salisi ag pagpangdukot kamana man ro pag post sa social media it mga At This Moment (ATM) ag On The Way (OTW) para malikawan man nga mabiktima it panakaw ro mga baeay kung uwa it nabilin nga tawo.
Samtang sa pihak nga parte, pagatutukan man it mga kapulisan rong mga motorista bangud sa pagtaas it mga biktima kung asidente makaron.
Kung makita nanda nga nakainum rong mga driver hay iga impound rong motorsiklo ag indi eon anay pag padaehon it motorsiklo.

Facebook Comments

From Advertisers