General Santos City— Gilayong gi-review sa 6th Infantry Division ang ilahang security posture human ang magkasunod nga pagpamomba sa Jolo kung asa 27 ang patay.
Sumala kang Major General Cirilito Sobejana, Commanding Officer sa 6th ID nga ilaha karong mas gipahugtan ang pagbantay sa siguridad sa mga pampublikong lugar.
Sa karon matud pa nagbutang na sila ug dugang tropa nga magbantay sa mga simbahang katolika, mosque, airport ug uban pang lugar nga sagad ginadugok sa publiko.
Dugang pamahayag ni MGen. Sobejana nga sa karon nagpabiling generally peaceful ang ilahang area of responsibility gumikan wala pay mga aktibidad nga ginahimo ang rebeldeng grupo.
Apan gipaklaro niya nga wala sila nagpa-ubos sa ilahang alerto ug wala usab sila nagapasagad sa pagbantay sa siguridad. Padayon matud pa ng ilahang ginahimo nga pagmonitor sa mga lugar nga gituuhang adunay presensya sa terorista ug rebeldeng grupo.
