General Santos City— Gipaniguro karon sa pamunuan sa 6th Infantry Division Philippine Army nga magpabiling hapsay ang ARMM ug tibuok Area Of Responsibility rason nga nagdeploy na sila ug dugang pwersa.
Sumala kang Major Genernal Cirilito Sobejana, Comaanding Officer sa 6th ID nga sa umaabot nga plebisito sa Bangsamoro Organic Law kon BOL, ilahang mas gihatagan ug pagtagad ang syudad sa Cotabato gumikan sa away pulitika tungod sa presensya sa pabor ug dili sa maong BOL.
Lakip usab sa ilahang ginatutukan mao ang presensya sa armadong grupo nga anaa nagalihukan sa ilahang area of responsibility.
Dugang pamahayag ni MGen Sobejana nga nagpabiling kontrolado sa militar ang sitwasyon sa ilahang area of responsibility.
Kung asa nagapadayon ang ilahang ginahimo nga security operations batok sa mga teroristang grupo sama sa Dawla Islamiya Torayfe Group ug Bangsamoro Islamic Freedom Fighters kon BIFF.
Pagpaklaro niya nga nagpabiling manageable ang peace and order sa ilahang aor.
