General Santos City— Dili muubos sa 500 ka mga personahe ang ipakatag sa palibot sa oval plaza sugod karong adlawa dungan sa grand opening sa tuna festival hangtud na sa petsa 5 alayon sa culmination night.
Sumala kang Police Senior Superintendent Romeo Ruel Berango, OIC City Director sa GenSan City Police Office nga nagsugod na ang deployment sa gumikan Agosto 15 pa dihang nagsugod ang pipila ka mga aktibidad.
Nangayo na usab ug dugang pwersa ang GSCPO ngadto sa Police Regional Office 12 nga mukabat sa 200 ka mga personahe aron sa pagtabang sa pagbantay sa palibot sa dakbayan.
Dugang pa ni Col. Berango nga adunay tulo ka shifting nga himuon ang kapulisan kung asa ang unang shiftang magsugod alas 8 sa buntrag ngadto na alas 4 sa hapon, samtang anbg ikaduhang shift ang magsugod alas 4 sa hapon ngadto na alas 12 sa tungang gabii nga adunay mas daghang personahe gumikan sa gikonsidera kining peak hours sa festival samtang ang ika-tulong shift ang magsugod ug alas 12 sa tungang gabii ngadto na alas 8 sa buntag.
