General Santos City— Nagpabiling kontrolado sa kapulisan ug kasundaluhan ang siguridad sa dakbayan sa Gensan ug sa tibuok rehiyon 12. Kini ang gibutyag ni Police Chief Superintendent Eliseo Rasco, Regional Director sa Police Regional Office 12.
Sumala niya nga walay angayang kabalak-an ug dili dapat magpanic ang katawhan. Pamahayag niini nga ginahimo sa otoridad ang tanan aron nga mapabiling luwas ug malinawong ang tibuok rehiyon.
Samtang gibutyag ni Chief Superintendent Rasco nga posibleng nakasulod na sa rehiyon ang mga nagpalnong magtanon ug bomba ayha pa siya milingkod isip Regional Director.
Kini gumikan sa ikaduhang adlaw pa lang niya sa rehiyon, aduna nay hinay nga pagbusikad sa syudad sa Koronadal ug dayon nagsunod-sunod na.
Pagbutyag niya nga sulod sa usa ka bulan niyang paglingkod isip labaw sa rehiyon, ubay-ubay na nga mga eksplosibo ang mibusikad rason nga iyahang gituuhan nga daan ng anaa sa sulod ang mga kalaban.
Samtang gibutyag niini Chief Superintendent Rasco nga atol sa gipahigayong Joint Special Committee Meeting sa tanang opisyal sa kapulisan ug kasundaluhan sa Mindanao ilaha ng gihisgutang ang mga plano aron nga mabatukan ang pagpamomba.
Pamahayag niini nga nagahimo na sila ug strategic palnning ingon man tactical planning aron nga mabantayan ug sakto dili lang ang rehiyon kundili ang tibuok Mindanao.
