General Santos City— Han-ay na ang siguridad nga ipatuman sa tibuok probinsya sa Sarangani alang sa umabot nga Sarbay sa Mayo 24 ngadto na 26 kung asa ubay-ubay nga men in uniform ang ipakatag.
Sumala Kang Sarangani Governor Steve Solon nga gawas sa miliyembro sa kapulisan ug militar, anaa usab ang coast guard ug PDEA alang sa paghatag ug suporta pinaagi sa mga drug sniffing dog.
Pag-angkon ni Gov. Solon nga aduna gyu’y kabalaka ang katawhan sa siguridad hilabi na nga adunay nahitabong pagbusikad sa syudad sa koronadal.
Dugang pamahayag ni Gov. Solon nga gawas sa otoridad, kinahanglan nga matag usa ang pagbantay sa siguridad aron nga masigurong walay unsa mang kakulian nga mahitabo.
Pamahayag niya nga hugot karon nga ginabanatay ang mga coastal area kung asa adunay mga gipadala nga dugang water assets aron sa pagbantay sa kadagatan.
