General Santos City— Han-ay na ang ipatumang siguridad sa Gensan City Police Office alang sa umaabot nga tuna festival kung asa ubay-ubay na nga mga conference ang napahigayon.
Sumala kang Police Senior Superintendent Raul Supiter, City Director sa GSCPO nga nagsugod na ang deployment sa kapulisan milabay’ng Agosto 15.
Lauman matud pa ang hugot nga siguridad nga ipatuman sa oval plaza atol sa opening sa setyembre uno ug sa culmination sa setyembre 5. Dugang pamahayag ni PSSUPT. Supiter nga ilahang himuon ang tanan aron nga masiguro ang siguridad sa tuna festival ug sa katawhan mismo.
Sumala niya nga bisan pa man nga adunay kapasidad ang kapulisan ug militar sa pagbantay sa sigirodad, ilaha gihapon nga gikinahanglan ang tabang sa publiko. Kini gumikan dili lang trabaho sa otoridad ang pagbantay sa palibot kundili kini ang trabaho sa tanang sektor.
Kalabot niini, gibutyag ni PSSUPT. Supiter nga magpabilin ang mga ipatuman nga bawal sulod sa oval plaza sama sa bagpack, ilimnong makahubog, pagpanigarilyo ug uban pa ga daan ng ginabawal.
Samtang ilaha na matud pamg ginahan-ay ang posibleng dugang nga mga cctv camera palibot sa oval plaza aron nga ma-secure ang lugar.
Gipaniguro man usab niini ang ipatumang siguridad alang sa mga gilaumang bisita gikan sa nasyunal nga panggamhanan kung asa usa sa mga giimbitahan mao si Pres. Rodrigo duterte.
