GENERAL SANTOS CITY – Walay foul play nga nakit-an ang kapolisan nga matudlong hinungdan sa kamatayon sa sikad drayber nga Danilo Labadia Sr. hamtong ang edad nga nasapwan sa iyang anak dihang gibisita sa Barangay Bula buntag sa adlawng Huwebes.
Sa imbestigasyon sa Bula Police Station nasayran nga tulo ka adlaw nang wala makagawas sa iyang gipuy-an sa Zone 7 sa maong barangay si Labadia sukad nga namasada Lunes sa buntag apan adlawng Dominggo dungan pa kini sila sa anak nga si Dominador Jr. nagtan-aw sa away ni Sen. Manny Pacquiao batok Lucas Matthysse.
Matod sa anak nga si Danilo Jr. nga naglain ang iyang paminaw kada mahuna-hunaan niya iyang amahan hinungdan nga gibisita ang gipuy-an.
Nakuratan ang anak dihang anaa na sa state of decomposition ang patayng lawas sa iyang amahan.
Giangkon ni Danilo Labadia Jr. nga dunay gihambin nga sakit nga Diabetes ang iyang amahan.
