GENERAL SANTOS CITY- Nabuak ang ulo sa usa ka amahang sikad drayber human gibanggaan sa naghaguros og padagan nga motorcycle rider niaging gabie sa Conel Road, Sunshine Ville, Lagao.
Giila ang biktima sa pangalang Quillope Doncillo Jr., 34-anyos, dunay kapuyo og residente sa Purok 8, Nursery Road, Lagao ning siyudad.
Nasayran gikan sa kapuyo sa maong biktima nga si Analiza Orandoy, hamtong ang panuigon nga gikan nag-boundary sa sikad ang iyang kapuyo.
Nakapalit pa kinig bugas aron pagkaon nila pagka-buntag sa ilang pag-ligo og dagat apan nalambigit hinuon sa disgrasya.
Nawaskag sad ang kapin kilong bugas nga dala sa maong amahan ingon man nangaguba sad ang motorsiklo og sikad didto sa lugar nahitabuan sa aksidente.
Giimbestigaran na sa Traffic Management Unit sa kapolisan sa dakbayan ang kaso samtang una nang nisaad ang kampo sa nakabangga-patay nga abagahon ang galastuhon sa pagpahiluna sa biktima.
For more info’s and updates, like and share our official facebook account : www.facebook.com/ifm91.9Gensanofficial/
