General Santos City–on the spot patay ang usa ka sikad driver human gipusil sa wala pa mailhing suspetsdo atubangan sa mismong panimalay niini sa Hermosa Subd., Barangay City Heights Gensan, Pasado alas 5:00 ang takna sa hapon kagahapong adlawa, July 24, 2017.
Ang biktima nailhang si Toto Pamoceno, 37, sikad driver. sumala sa usa ka dalagita nga residenti sa samang lugar, igo lang naglingkod ang biktima atubangan sa ilang panimalay kay nag ayo sa kural sa iyang tanum nga kamatis.
kalit lang matud pa miabot ang wala mailhing lalaki nga dunay taptap ang nawong, mibunlot ug pusil dayon gipusil ang biktima pila ka higayon sa iyang kamatayon.
sumala ni Police Chief Inspector Hoover Antonio, Hepe sa Police Station 4 kansa nag imbistiga sa maong kaso nga aduna silay narekober nga drug paraphernalia’s ug kwarta sa u box sa traysikad nga gimanihuan sa nahisgutang biktima.
tungod niini dinhi sila manukad sa ilang himuong imbistigasyon kalabutan sa maong kaso.
