General santos City—Samad sa walang bahin sa iyang dughan ang naangkon sa usa ka Raffy Bulig, 22 anyos nga taga Zone 10, Barangay Fatima Gensan human gipusil sa duha ka wala mailhing suspetsado alas 10:55 ang takna sa gabie sa may Carmin Vill., Barangay Calumpang, Gensan.
Subay sa report sa Police Station 5 nasuta nga namasada ang biktima, siya nakakuha ug pasahero sa may Sports Complex kansa nagpahatod sa Purok carvin Vill., apan pag abot sa ngitngit nga dapit kalit lang gitaparan sa duha ka suspetsadong nakamotorsiklo ang mga biktima dayon gimanduan nga muhunong.
Apan inay muhunong gipasutoy na nuon sa driver nga si Bulig ang iyang gimanihuang sikad, didto na kini gipusil sa mga susp[ek, swerte usab nga wala maigo ang iyang pasahero.
Gikuha sa mga suspek ang bag sa pasahero sa biktima nga si Moncher Manlangit nga adunay sulod nga ATM ug kwarta nga P200.00. paspas usab nga misibat ang mga suspek human sa insidenti. Sa karon nagpadayon ang gihimong imbistigasyon sa kapulisan kalabutan sa insidenti.
