General Santos City—Patay ang usa ka Peter Samson, 47 anyos, sikad driver, nga taga Zaldivar Subdivision, Brgy City Heights, Gensan human kining gipusil sa wala pa mailhing suspek didto sa Sebastian Street, Paradise Subd., Barangay City Heights, Gensan alas 6:00 pasado ang takna sa gabie.
Sumala sa igsuon sa biktima nga sakay sa iyang sikad ang nasampit ug mupalit lang unta sa tindahan sa maong lugar dihang siya gipusil sa mga suspek nga nakamotorsiklo.
Nakaangkon ug grabeng mga samad ang biktima sa iyang ulo nga bahin nga hinungdan sa iyang kamatayon.
Dugang pa sa igsuyon niini nga blangko pa gyud sila sa motibo sa krimen human nga wala man silay nasayran nga kalaban sa nasampit ayha nahitabo ang pagpamusil.
Sa karon gitugyan nalang sa pamilya ngadto sa kapulisan ang paghatag ug hustisya sa kamatayon sa biktima.
