General Santos City—sikop sa gihimong Buy-bust operation sa kapulisan nga sakop sa Police Station 4 ang usa ka Traysikad driver ug kaubanan niini sa area sa Soriano Street, Barangay City Heights Gensan.
Dakpan si Reynaldo Castro Lumpaan, 30, traysikad driver ug residenti sa Soriano Street, Barangay City Heights Gensan human nga napalitan ug (1) ka sachet sa gituohang shabu gamit ang P500.00.
Gawas sa buy-bust items, nakuhaan usab kini ug (1) ka sachet sa gituohang shabu ug (1) pa empty sachet nga aduna pay residue sa gituohang shabu.
Sikop usab ang kaubanan niining si Jeffrey Valencia, 35, residenti sa samang lugar human nga nakuhaan ug (1) ka sachet sa gituohang shabu ug (2) ka empty sachet nga duna pay residue sa gituohang shabu.
Subay sa report sa Police Station 4 nga si Reynaldo Lumpaan ang dugay nang target sa kapulisan gumikan sa iligal activity niini partikular ang pagpamaligya ug iligal nga druga.
Kasong paglapas sa RA 9165 partikular sa sec. 5 ug sec. 11 ang ipasang-at nga kaso kang Lumpaan samtang kasong paglapas sa Sec 11 ang ipasang-at batok kang Vanlencia.
Sa kasamtangan ang duruha anaa na sa silda sa Police Station no. 4 ug commitment order nalang ang gihuwat aron nga mabalhin na ang mga nahisgutan sa Gensan City Jail.
