Sikop ang kanhi kagawad sa Barangay ug usa ka miyembro sa Citizens Crime Watch human gi akusahan nga milugos sa usa ka 14 anyos nga babae.
Maoy nasikop si ex Ubaldo Laya Kagawad Dionesio Bacala, ug kauban niini nga usa ka miyembro sa CCW nga si Badi Aminyola y Mamondaya puros mga molupyo sa Barangay Ubaldo Laya ning syudad sa Iligan.
Sumala sa blotter sa kapulisan, nga ala una ganinang kadlawon nasikop sa mga suspetsado ang maong menor de edad ug angiyang hinigugma nga nag date sa may Tabing Dagat sa may Barangay Poblacion gumikan sa curfew.
Matud pa sa biktima, nga gipalakaw sa maong mga suspek anglalaki gumikan usab sa hangyo niini tungod kay anaa pa kini trabaho.
Samtang imbes nga dal-on ang biktima sa istasyon sa kapulisan, didto na hinuon kini gidala sa may C3 road ug didto nahitabo ang maong paglugos.
Hugtanon usab kini nga gipanghimakak sa maong mga suspetsado.
Na detain karon sa presento 5 ang mga dinakpan samtang maghulat sa kasong ipasaka batok kanila.
