General Santos City—Sikop ang usa ka lalaking nanumbag ug pulis sa area sa Sitio San Vicente, Barangay Lagao Gensan alas 11:50 ang takna sa gabie kagahapong adlawa July 8, 2018.
Suspek giilang si Romeo Catubay Cahumnas, legal age, residenti sa barangay lagao, Gensan.,
Sa inisyal nga report sa Police Station 3, nakit-ang nanigarilyo ang suspek sa maong lugar sa mga pulis nga silang si Po1 Asgar Kanda, Po1 Jehar Wata Harid,Po2 John Paul Bobis kansa nagpatuman sa “Oplan Mapayapa”.
Dihang giduol aron sitahon ang nasangpit apan iyang gilabay ang sigarilyo dayon gitamakan.
Tungod nakit-an na sa mga pulis ang gihimo sa suspek ila unta kining pahamtangan ug Citation ticket gumikan sa iyang paglapas sa ordinance no. 6 kon pag-dili sa pagpanigarilyo sa pampublikong lugar apan nasuko ang suspek iyang gisumbag silang Po1 Kanda ug Po1 Harid.
Nasayran nga nakaangkon ug samad ang duha ka mga pulis human sa gihimo ni Cahumnas.
Tungod niini gidakop ang nahisgutan ug gibalhog sa silda sa Police Station 3. Gikaingong lango sa ilimnong makahubog ang suspetsado.
Kasong Direct assault ug paglapas sa ordinance no. 6 nag atubangon sa suspek.
