South Cotabato – sikop ang tulo ka mga wanted person nga nag-atubang ug kasong kalapasan sa Republic Act 7076 (People’s Small Scale Mining Act of 1991) sa lungsod sa Tampakan atol sa gihimong operasyon sa kapulisan sa nakalabayng adlaw.
Mga suspek giilang silang si Marlon Malayon, 32, Jerry Moc, 44, ug Freddie Isaac Dilag, 37, pulos mgaresidenti sa Purok Guatemala, Barangay Pulabato, Tampakan, South Cotabato.
Nadakpan ang mga nasangpit pinasikad sa warrant of arrest sa kasong ilang giatubang nga una nang gipagula ni Honorable Judge Edwin Diaz, acting presiding judge sa MTC, 11th Judicial Region, Hall of Justice, Tampakan, South Cotabato.
Nasayran nga human migula ang warrant of arrest sa mga nasangpit, sila gisikop gilayon sa kapulisan. Sa karon ang tulo anaa na sa kustudiya sa Tampakan Municipal Police Station ug commitment Order nalang ang gipaabot aron mabalhin sila sa South Cotabato Provincial Jail.
