Sultan Kudarat—Dakpan sa gihimong managlahing operasyon sa kapulisan ang upat ka mga wanted didto sa Sitio Bukay El, Barangay Sinapulan Columbio, Sultan Kudarat ug Brgy. Colunsabak, Matanao, Davao Del Sur.
Giila ang mga suspek nga silang si Nere Masamlok, 50, residente sa Sitio Bukay El, Brgy. Sinapulan, Columbio, Sultan Kudarat; Tony Masamlok, 50; Enrile Masamlok, 27, ug Rudy Panja, 39, parehong nagpuyo sa Brgy. Colunsabak, Davao Del Sur.
Subay sa report sa Sultan Kudarat Police Office nasayran nga si Nere ang no. 1 most wanted, Number 2 usab si Tony, number 3 most wanted si Enrile, samtang number 4 most wanted usab si Panja. Ang mga nahisgutan susamang nag-atubang ug kasong murder.
Nasikop ang nasangpit pinasikad sa warrant of arrest nga una nang gipagula ni Hon. Judge Milanio Guerero sa RTC Branch 20, Tacurong City. Sa karon ang mga suspek nagpabilin sa lock up cell sa kapulisan sa Sultan Kudarat.
