General Santos City—Dakpan sa operatiba sa Philippine Drug Enforcement Agency (PDEA) Regional Office-12 inabagan sa PDEA ARMM, Kabacan Municipal Police Station, 4th Special Action Force (SAF)- Special Action Battalion (SAB) ug 7th Infantry Battalion, Philippine Army ang usa ka kapitan ug tulo pa ka kaubanan atol sa gipahigayong Search Warrant operation alas 4:10 ang takna sa buntag kagahapong adlawa August 13, 2018.
Giila ang suspetsadong kapitan nga si Nestor Salama Alias Nestor (High Value Target), 47, barangay kapitan sa Barangay Balatongkayo, Datu Montawal, Maguindanao, kansa nasikop sa panimalay niini sa may Mercado Street, Barangay Poblacion, Kabacan, North Cotabato.
Dakpan usab ang usa ka Norhata Salaman (Watchlisted), 42, minyo asawa ni kapitan Nestor Salama; Kabunto Batunan (High Value Target), 39, minyo,laborer ug residente sa Kabacan, Cotabato apil na ang usa ka Johari Zombaga, 20, single, laborer ug residente sa Pikit, Cotabato.
Mga narekober atol sa operasyon ang mukabat sa (11) ka sachet sa gituohang shabu nga may gibug-aton nga 43 ka gramos, gibana-banaang mukabat sa P292, 000.00; mga Drug paraphernalia’s, (1) ka cal 40 pistol, (35) rounds sa cal 40; (20) rounds sa cal 5.56 ammunition; ATM cards; assorted receipts ug kwarta nga gituohang halin sa pagpayuhot ug iligal nga droga.
Kasong kalapasan sa Section 5 (Sale of Dangerous Drugs), Section 11 (Possession of Illegal Drugs), Section 12 (Possession of Drug Paraphernalia) sa Article II sa Republic Act 9165 ( Comprehensive Dangerous Drugs Act of 2002) ingon man ang kalapasan sa Republic Act 10591 ang ipasang-at nga kaso batok sa mga nasangpit nga suspetsado.
(Photo Credit to: PDEA-12)
