General Santos City–Gikumpirma karon ni Police Senior Inspector vincent dulawan- hepe sa Police Station 5 nga gitudlo mismo sa mga drug personality nga una na nilang nadakpan ang custom employee nga si Rudy Basay nga maoy ilang supplier.
Sumala ni Dulawan nga human ang ilang pagdakop sa mga suspek ila matud pang gipailawom sa interogasyon ug didto ilang nakalap ang mga impormasyon nga nagtudlo kang Basay nga maoy gasuplay kanila ug shabu.
Nasayran nga nadakpan si Basay human usab ang gihimong search warrant operation sa kapulisan sa Police Station 5 sa nakalabayng gabii kung asa nakuhaan matud pa kini ug mga pinutos nga suspected shabu.
Sa karon nagpadayon pa usab ang prosesong ginahimo sa kapulisan alang sa kaso sa suspetsadong si Rudy Basay kansa gikaingong x-ray coordinator sa Bureau of Customs sa Gensan.
Dugang pagbutyag ni Dulawan nga dili layo ang posibilidad nga duna pay mga kaubanan sa Customs si Basay nga posibleng gahimo usab sa maong gimbuhaton. (Jordan Britos)
