General Santos City—Tingkagol na karon sa silda sa Glan Municipal Police Station ang usa ka empleyado sa gobyerno nga nakabase sa Sarangani capitol human kining nasikop sa gipahigayong buy-bust operation sa Glan Municipal Police Station niadtong nakalabayng adlaw.
Suspek giilang si Amarudin Anid, 46, residenti sa Purok Matibay, Barangay Poblacion, Glan.
Sa report sa Glan PNP nasuta nga alas 8:00 ang takna sa buntag dihang gihimo ang buybust operasyon batok sa suspek sa may National Highway nga sakop sa Barangay Taluya, Glan, Sarangani province.
Dihang gigunitan na sa suspek ang gitunol kaniya nga marked money didto na kini gisikop sa usa ka pulis nga nagpakarong-ingnong poseur buyer.
Kasong kalapasan sa RA 9165 ang gikatakdang atubangon sa nasangpit nga suspek.
