General Santos City—Sikop sa gihimong entrapment operation sa operatiba sa National Bureau of Investigation ang usa ka illegal recruiter nga si Mary Jane Nadela, kanhing OFW ug residenti sa Barangay Fatima, Gensan ala 1:00 ang takna sa hapon kagahapong adlawa sa usa ka Coffee Shop nga nahimutang sa usa ka dakong mall dinhi sasyudad.
Una nang mireklamo ang mag ig-agaw ngadto sa buhatan sa NBI SARDO batok sa nahisgutan human silang giilad matud pa sa nasangpit nga recruiter.
Saysay pa sa mga biktima nga nagpatabang sila sa suspek human kining misaad kanila nga sila iyang tabangan nga makatrabaho abroad tungod duna matud pa kini kaila apan nagsige rag pangayo ug kwarta ang nasangpit apan dawsa wala man gilihok niini ang ilang mga papeles.
Una silang gipangayuan ug P32,000.00 human niini nangayo na usab kini ug P10,000.00 hinungdan nga mireklamo na sa NBI ang biktima.
Gilayon nga gipahigayon ang entrapment Operation sa usa ka Coffee Shop diin gisabot sa usa ka biktima ang suspek nga sila magtagbo sa lugar aron didto niini ihatag ang gipangayong kwarta apan dihang nadawat na sa nasangpit ang salapi, gilayon kining gisikop sa mga sakop sa NBI.
Sa karon ang suspek naa na sa kustudiya sa NBI ug gikatakda usabkining pasakaan ug kaso.
Read More: rmn.ph/https://rmn.ph/dxmd927gensan/
