General Santos City–Dakpan sa gipahigayon nga buybust operation sa City Police Drug Enforncement Unit (CPDEU) ang usa ka Aron Dela Cruz, hamtong ang pangidaron nga residente sa Brgy. Tinagacan ning dakbayan.
Sumala kang Police Inspector Renator Dungca, hepe sa CPDEU nga duha ang ilahang target lakip ang usa ka Nico Aguire nga malampusong nakasibat atol sa operasyon.
Alas 10:00 pasado ang takna sa gabii milabayāng adlaw dihang gihimo ang operasyon sa may diversion road sakop sa Brgy. Conel.
Gumikan naka-motor ang mga suspek, nahitabo pa ang gugdanay kung asa si Aron Dela Cruz lang ang nadakpan, samtang si Nico Aguiree ang misulod sa kakahuyan.
Kasong pagsupak sa Sec. 5 sa article II sa R.A 9165 ang nakatakdang ipasang-at sa suspek nga kasamtangang balhog sa lock up cell sa Police Station 4. (Dave Silagan)
