Col Berango nanamilit na sa iyahang kanhing sakop

General Santos City–Pormal nang nanamilit si PS/Supt Romeo Ruel Berango sa iyahang kanhing mga sakop sa General Santos City Police Office sa gipahigayon nga flag raising ceremony sa GSCPO alas 8.00 ang takna sa buntag kagahapong adlawa.

Sumala pa ni Col. Berango nga dako ang iyahang pasalamat sa tanan nga personahe sa GSCPO sa gihatag nga suportra kaniya sulod sa 8 kabulan nga milingkod kini isip City Director sa General Santos City Police Office.

Gani nangayo kini ug pagsabot sa mga personahe nga iyahang nakasab-an mahitungod gihapon sa trabaho ug mikanayun nga unta mamahimo kining pamaagi aron nga mas mapamaayo pa nila ang ilahang trabaho.


Malipayon man usab nga gidawat ni PS/Supt Berango ang pahalipay nga gihatag kaniya sa General Santos City Police Office ug misaad nga mubalik siya sa rehiyon tungod kay anaa pa kiniā€™y 11 ka tuig nga nahibilin aron mag serbisyo sa PNP. (Dave Silagan)

Facebook Comments