General Santos City –Balhog sa silda sa kapulisan ang usa ka lalaki human nga nangihi matud pa tunga sa dalan sa may Cannery Road, Purok Rañada, Barangay Poblacion, Polomolok South Cotabato niadtong nakalabayng adlaw.
Giila ang lalaki nga si Roderick Manderico, 29 anyos, nagpuyo sa Purok 5, Barangay Palkan sa maong lungsod.
Sa inisyal nga imbestigasyon, gisita sa pulis nga si SPO1 Renato Paclibar Jr. kauban ang usa ka pulis ang usa ka lalaking nangihi nga bantang sa kalsada atubangan sa 7/11 convenience store.
Mituman man ang lalaki ngadto sa sita ni Paclibar apan kalit milugwa ang suspek nga si Manderico dayon nangihi usab sa dalan dungan sa pag singgit batok sa mga pulis.
Human niini kalit matud pang giatake sa suspek si Spo1 Paclibar mao nga mibunlot kini ug pusil. Gilayon man nga gisikop ang suspek ug dihang gihimo ang pagkapkap sa lawas niini ayha kini gisulod sa silda, dunay nakit-ang (1) ka pakete sa Shabu.
Tungod niini kasong direct assault ug paglapas sa Republic Act 9165 (Comprehensive Dangerous Drugs Act of 2002) ang atubangon sa suspek nga si Manderico. (Jica Rose Parok MSU-Intern)
