General Santos City—sikop ang 36 anyos nga si Syquia Yhang Sabiwang, balo, walay trabaho ug residenti sa Agan Homes, Barangay San Isidro, Gensan kansa nag-atubang ug kasong 4 counts of ESTAFA (Art. 315 of Revised Penal Code of the Philippine) atol sa gihimong operasyon sa kapulisan sa may Agan Homes, Barangay San Isidro.
Alas 12:20 ang takna sa udto niadtong nakalabayng adlaw dihang gihimo ang operasyon batok sa suspek nga miresulta sa pagkasikop niini pinasikad sa warrant of arrest sa mga kasong iyang giatubang nga una nang gipagula ni Hon. Judge Emma Peralta-Nebran pinetsahan ug Pebrero 21, 2018.
Wala na mipalag ang suspek human nga gisikop kini sa kapulisan. Sa karon nagpabiling anaa sa kustudiya sa Police Station 4 ang suspek ug commitment order nalang ang gihuwat aron mabalhin na ang nahisgutan sa Gensan City Reformatory Center.
