General Santos City—Warrant of Arrest ang misugat sa usa ka lalaking nag atubang ug kasong lugos dihang nahidangat kini sa Hall of Justice alas 2:00 ang takna kagahapong adlawa.
Suspek giilang si Rammil Callaga Saligan, 31, residenti sa Barangay Tamban, Malungon, Sarangani Province.
Subay sa record sa Police Station 3 nasayran nga igo ra untang sutaon sa suspek ang status sa iyang kasong Rape Through Sexual Assault, nga gipangat-at batok kaniya apan nakurat nalang kini dihang giserved kaniya ang warrant of arrest sa maong kaso.
Nasayran nga niadto pang January 10, 2018 pa nigawas ang warrant of arrest sa suspek nga una nang gipagula ni Hon. Judge Jose Blanza Jr. sa RTC branch 22, 11th Judicial Region.
Sa pakighinabi sa RMN Gensan news team ngadto sa suspek iyang gibutyag nga wala sya masayod nga nigawas na ang warrant of arrest sa iyang kaso.
Siya gikasuhan matud pa human siyang gireklamo sa ginikanan sa usa ka minor de edad nga sumala pa iyang gilugos butang nga hugtanon usab niyang gihimakak.
