General Santos City—Malampusong nadakpan sa Operatiba sa Police Station 5 ang usa ka wanted atol sa gihimong manhunt Charlie sa may Zone 2, Purok Banualan, Barangay Tambler, Gensan niadtong nakalabayng adlaw.
Giila ang suspek nga si Jonathan Calao, residenti sa maong lugar. Nasikop ang nasampit pinasikad sa warrant of arrest sa kasong kalapasan sa RA 9516 o pag hupot ug Eksplosibo.
Nasayran nga lambigit usab ang suspek sa land conflict sa maong lugar. Sa karon balhog na sa silda sa Police Station 5 si Calao ug commitment order nalang ang gihuwat aron mabalhin na kini sa Gensan City reformatory Center.
Facebook Comments
