Davao City – Pabor ang chairman sa Committee on Information and Technology sa konseho syudad sa Davao kabahin sa sim card registration.
Sumala ni Davao City 1st district Councilor Joanne Bonguyan-Quilos kinsa mao usab ang Information and Technology Chairperson, daku kini og matabang ilabi na sa kampanya batok kriminalidad.
Malaumon si Bonguyan-Quilos nga dili magamit sa dinautan aron gamiton sa cyber crimes ug uban pang matang sa sindikatong buhat.
Matud ni Bonguyan, daku ang iyang pagtoo nga dili na kini magamit sa dautan tungod kay ang tumong niini mao man ang pagsusi sa mga mensahe nga gigamit sa krimen.
Giklaro usab ni Bonguyan-Quilos nga dili kini makalapas sa ‘right to privacy’ tungod kay dili hilabtan ang mga numero nga ang mga mensahe way koneksyon sa bisan unsang krimen.
RadyoMaN Bernard Pantallon
