TACLOBAN CITY – Iginparayaw han pira nga mga yolanda survivors an Pope Francis Village, ini an housing project ha panguna han Catholic Church ha Tacloban City.
Siring han mga biktima han bagyo, magin modelo unta ini nga housing project para ha permanente nga pabalay ha mga nabibiktima hin kalamidad.
An Pope Francis Village in gin-establish han Non-Government Organizations ha Pilipinas pati na ha abroad sugad han Caritas Canada, Canadian Catholic for Development And Peace, Catholic Bishops’ Conference of the Philippines-National Secretariat for Social Action (CBCP-NASSA), Archdiocese Of Palo through Caritas-Palo, the Congregation of the Most Holy Redeemer, Urban Poor Associates, ngan magkadurudilain nga ahensya han gobyerno.
Sumala kan Jing Rey Henderson Communications and Partnership Development Coordinator han NASSA/CARITAS Philippines, hul-os nga pondo an gingamit nira para masigurado nga pulido an pag-ayad han pabalay.
Gin-abisuhan nira an mga benepisyaryo han pabalay nga upayon magin responsible ngan upayon pagtratar an housing nga ginhatag ha ira.
Diri la housing project an ginhatag han simbahan kundi pati livelihood, trainings ngan capacity-building initiatives para ha mga yolanda survivors.
Yana nga Nobyembre 21 igtuturn-over an mga pabalay.
Sumala kan Joli Torella han Urban Poor Associates nga an pabalay han simbahan katoliko in mayada average area nga 40 square meters.
An two-story housing design in nagkakantidad P300,000 apil na an labor ngan mga materyales.
Tikang ha 17 coastal areas an mga benepisyaryo han pabalay basi han criteria nga ginhatag han Tacloban City Government.
Abri gihapon an simbahan katoliko kun ha sitwasyon bisitahon han National Housing Authority (NHA) an pabalay.
Ha 566 housing units ha Pope Francis Village, 303 dinhi in tapos na.
Mayada gihapon private water concessionaire nga magsususpply habn tubog ha mga residente.
Ginhihimangrawan gihapon yana han simbahan nga magkamayada hin “hybrid” source han kuryente.
Ginlalauman nga matatapos an pag-ayad han iba pa nga pabalay yana nga December 2018.
(Photo by Roel Amazona)
