Simbahan sa brgy. Dujali ugdaw sa sunog

44
Davao City – Muabot sa P240,000 ang gibana-banaang damyos sa nahitabong sunog sa usa ka simbahan sa Purok 6, Barangay Dujali, Braulio E. Dujali, Davao del Norte nahitabo alas 2:45 sa hapon kagahapong adlawa (June 29, 2022).

Sa interbyu sa DXDC RMN Davao kang Fire Officer (FO) 2 Christian Bryan Mamparo sa B.E Dujali Fire Station, gibutyag niini nga gidauban nga basura kilid sa United Pentecostal Church sa lugar ang hinungdan sa pagkasunog sa maong simbahan.

“Ang kuan (rason) is unattended rubbish burn or naay nagdagkot og basura then tungod sa kainit naay alegasyon nga nikuan. Mao ‘to siya nga nikalat dayon,” butyag sa bombero.

Walay natalang casualties human nakagawas dayon sa simbahan ang tulo ka tawo nga gilangkuban sa usa ka tigulang, usa ka 40 anyos ug usa ka bata.

Daling nakaresponde ang bombero apan paspas nga gilamoy sa kalayo ang gamabalay. Gideklarang fire out ang sunog alas 3:00 sa hapon.

Pahimangno sa bombero nga likayan ang pagsunog og basura aron malikayan ang susamang insidente diin kini gidili usab sa balaod tungod sa kadaot nga hatud niini sa kinaiyahan.



RadyoMaN Kirby Manzon

Facebook Comments