BACOLOD CITY – Wala sang may na-record nga ano man nga insidente sa mga kasimbahanan diri sa ciudad sang Bacolod angut sa pagsugod na kahapon sang simbang gabi.
Suno sa PIO sang Bacolod City Police Office, PC/Insp. Sherlock Gabana nga nangin generally peaceful ang una nga adlaw sang Misa de gallo sa nagkalain-lain nga mga simbahan sa ciudad.
Apang, suno sa iya nga ang nangin numero uno gid lamang nga problema sang pulis amo ang magutok nga trapiko.
Bangud sini, nagapangabay si Gabana nga kuntani ang mga may salakyan mag-share na lamang sa tion sang pasimba sa kaagahon bangud kulang ang mga parking spaces sa simbahan ilabi na sa Bacolod San Sebastian Cathedral./dyHB BACOLOD
Facebook Comments
