General Santos City—Dako matud pa nga tabang sa katawhan sa Malapatan ang bag-ohay lang gi-inagurahang simentadong dalan sa barangay Lun Padidu padulong sa kabukirang bahin sa Barangay Daan Suyan, Malapatan Sarangani Province sa pagpanguna ni Gov Steve Solon ug DILG Regional Director Reynaldo Bungobong.
Sumala pa ni Gov. Solon nga una nang migasto ang DILG sa maong dalan ug kapin kon kulang 50 milyones ka pesos sa unang hugna sa maong proyekto ug nagdugang pa ug 70 milyon pesos aron usab sa phase 2 ug lain na usab nga 50 million pesos.
Daku matud pa kini nga tabang tungod kay mas mapadali ang pag anaug sa residente sa kabukiran sa ilahang mga prudokto tungod simentado na ang dalan ug mas dali na maadtuan ang lugar panahon nga dunay emergency.
Nag pasalamat man usab si Gov. Solon sa mga land owners nga midonar sa ilahang mga yuta aron lang nga mahuman ang nasangpit nga proyekto. (Dave Silagan)
(Photo From Web)
