Davao City – Ilusad sa Davao City Police Office (DCPO) uban ang nagkadaiyang security and response agencies og Simulation Exercise (SIMEX) karong adlawa Mayo 19, 2021.
Sa interbyu sa DXDC RMN Davao kang DCPO City Director Police Col. Kirby John Kraft, ang scenario usa ka hostage situation ug mass shooting ang mahitabo sa usa ka eskwelahan nga respondehan sa mga awtoridad.
“Ang objective nito para maging aware tayo, maging ready tayo kung may mga ganitong insidenteng mangyari . Para alam natin ang gagawin at hindi tayo mangangapa,” matud ni Kraft.
Ipahigayon sa Davao City National High School (DCNHS) ug temporaryong sirad-an ang dalang F. Torres St., ug Jacinto Extension sugod alas 9:00 sa buntag hangtod 12:00 sa udto.
Gipangayo ni Kraft ang suporta ug kooperasyon sa publiko alang niini.
Nagpahimangno kini sa tanan nga kanunay’ng mag-andam ug mag-igmat aron preparado sa ingon niini nga insidente.
RadyoMaN Aimee Guinita
