Davao city – Giduso karon ni 2nd District Councilor Danilo Dayanghirang sa hawanan sa konseho ang ‘simple majority’ sa pagboto sa pag-amenda sa zoning ordinance.
Atol sa regular session kagahapon, gipamugos ni Dayanghirang nga wala na gikinahanglan ang three-fourths majority inay simple majority na lamang ang himuong basehan sa pagpabor sa pag-amendar sa zoning ordinance.
Gipangatarungan ni Dayanghirang nga lisod makab-ot ang three-fourth vote sa 26 ka konsehal sa syudad alang sa pagboto sa amendment sa zoning ordinance busa mas madali kun simple majority na lamang.
Usa sa makabenepisyo ugali ma-amendahan ang zoning ordinance mao ang proyekto sa bulk water project sa Apo Agua Infrastructure project sa pakig-alayon sa Davao City Water District.
RadyoMan Joel Viray
