Davao City – Nakaangkon og samad-dinunggaban sa kalawasan ang manghod human dunggaba sa iyang magulang nahitabo sa Purok 4, Brgy. San Agustine, Digos City niadtong July 19, 2023 sa gabii.
Sa inisyal nga imbestigasyon sa Digos PNP, miuli sa balay ang suspek nga giingong hubog, usa ka 20 anyos nga si alyas Poy diin anaa usab sa balay niadtong tungora ang biktima nga usa ka 18 anyos nga si alyas Longlong, Person with Disability (PWD).
Sa dihang gi-check sa manghod ang iyang magulang sa kwarto, giatake sa suspek ang biktima gamit ang kitchen knife nga gibana-banaang 12 inches ang gitas-on diin tungod sa mga samad-dinunggaban, gidala sa ospital ang biktima aron patambalan ang mga samad, hinuon anaa na kini sa stable nga kondisyon.
RadyoMaN Renz Barbarona
Facebook Comments
